HPC Vice Chairman Joseph Lalhimpuia chuan vawiin khan MSU Zobawk ten zirlai ti tha chawimawina P. Hrangkhuma Hall-a an hman chu khuallian niin a hmanpui.

Pu Joseph Lalhimpuia chuan Khawvelah pawl (NGO) hrang hranga a awm thin a , mahse mahni pawl din chhan ang nilo a, hmala an awm fo thin tih sawiin Zirlai pawl te chuan zirlaite kan ngaihtuah a, an harsatna sukiang tur a hma lak hi an tih tur a ni, a ti. Hmun tamtakah zirtirtu thalo an awm laiin Zobawkah chuan zirtirutu nungchang mawilo leh thalo vawiin thlenga a hriat loh thu sawiin zirtirtu te thahnemngaihna azarah Zirlai titha chawimawina pawh hi neih a ni ve tho a ni, a ti. Zirlaite chu Discipline tha nei tura leh zirlai ti buai thei lakah in veng thiam tur a chahin, zirlaite chu ngaihtuahna lian leh sang nei tur in a chah a, hun lo kal tura an nihna tur atan vawiinah hian ngaihtuahna hmang rawh u, tiin a fuih. HPC Vice Chairman hian tun dinhmun a Mizoram Resource lianber chu Human Resource a ni tih sawiin nakin lawk a kan ram leilung hausakna lak chhuah hunah hnathawk tur tam tak kan mamawh a, hei mai ni lovin tunah pawh zirlai thiam tan chuan hnathawh tur tamtak a awm a ni tiin zirlaite chu rinawm tur a chahin hlawhtling tur chuan taimak a ngai a ni, a ti. Mipui ten Politician te rinawm tur a kan beisei hi a dik a, an rinawm tur a ni a, chutihrualin mipui lam pawh kan rinawm ve a ngai a ni, a ti.

Hemi hnu hian HPC Vice Chairman hian Zobawk-a Fishery Department enkawl, Sangha chi siamna (Fish seed farming) chu a hmunah a tlawh nghal. He hmun a thawktu te chuan kumin chhung hian Sangha chi nuai 10 thar chhuah an tum tih sawiin sangha tipung turin kahrai (jection) an tih thin thu sawiin hemi ti tur hian tlaivar hial te a ngaih thin thu an sawi. He Fish seed Farm hi HPC Fund hmanga enkawl niin Sangha dil thahnem tak a awm a ni.