‘Media  te leh an mawhphurhna te’ tih thupui hmanga Journalist Workshop  chu vawiin khan I & PR Auditorium ah  Pu Lal Thanzara I&PR Minister in hmanpuiin a hawng nghal.Aizawl bakah Mizoram District hrang hrang atangin  chanchinbu mite an kal tha hle ani. 

Beisei leh duh ang ‘Journalist Workshop’  Mizoram Journalist-te tan vawiinah I&PR Department in an  buatsaih chu lawmawm a tih thu khuallian Pu Lal Thanzara sawiin Mizoram Chanchinbu mite hian ram leh hnam tan nasa takin an thawk a,an inpekna leh thawhrimna avanga Mizoram hian kawng tam takah hma a sawn phah tih chu phat rual anih loh thu  leh hun kal tawh thlir let  in,rambuai lai pawh khan chanchinbu mite chu ram leh mipui rawngbawltu anni tih inhre reng chungin ' Tuboh leh Dolung ' karah pawh huaisen takin mipuite hnenah thuthar puanzar hna an thawk  reng a. Thudik tan vanga kut tuar hialte pawh an awm  ani a ti a. Journalism hi taimakna, rinawmna, dikna leh huaisenna tel lo chuan 'a chak leh duh' nazawng te'na tih chi ani lova. Mipui hnena thupuan chhuah tur buatsaihtu an nih avangin, mipui ten thil nihna dik an hriat theih nan rinawmna leh dikna nena thawh a ngai tak meuh  thu  a sawi bawk. 

Tunlaiah Internet leh Social Media vangin awlsam  taka  thil hriat zung theih tawh anih rual hian  puanzar kawngah fimkhur a ngaih thu sawiin  I&PR Minister chuan hriatna leh thiamna te hi discipline a ngai a, a hun leh hmun dik taka hman loh chuan hriatna leh thiamna te hian tangkaina a nei thei lo a ti. India Hnam Pa  Pu  Mahatma Gandhi  thusawi sawi chhuakin Chanchinbu mi te chu anmahni an in control pawimawhzia  leh thil tha leh thalo ah pawh duh thlang thiam in,a tha leh a dik, a mawi leh fel  thlan leh thliar thiam a tul thu a sawi a.Zalenna zau tak nei mahse an zalenna chuan tawp chin a nei in dan hnuaiah dan angin ani tur ani a,Chanchinbumi nih avangin duh duh a tih theih loh a, duh duh a ziah theih loh. Ram dan chuan a khuahkhirh  tlat tih hriat a pawimawh  a.Zalenna kan neih ang bawkin mi dang pawhin zalenna an nei a, chu chu kan zah sak tur a ni. Mi privacy te, pawl privacy te zah sakin pawisak tur a ni a ti. 

Indian Institute of Mass Communication (IIMC) North East Campus atangin mithiamte'n paper tha tak tak, tangkai pui ngei tur write-up sem turte vawiinah  an rawn buatsaih chu lawmawm a tih thu Pu Lal Thanzara chuan chuan sawiin  hetiang institution tha tak, India ramah pawh paruk chauha la awm laia, Aizawlah ngei neih ve a ni chu ropui leh lawmawm a tih thu a sawi a.He workshop hi  ti hlawhtlingtu Journalist kalkhawm  te chu  kawng khat tala hlawkna chhar chhuah theuh theih nan leh, workshop hlawhtling tak tute tan pawh anih theih nan DUHSAKNA  a hlan ani. 

Pu Biaktluanga,IAS,Secretary I&PR  pawhin thu sawiin  DIPR leh MJA te Sorkar thu leh hla puanzarna kawngah thawhhona tha tak an neih avanga lawmawm atih thu sawiin Chanchinbumi te chu  mipuiten ngaihdan tha leh nghet an neih theih nan  fimkhur tur leh  thu dik chauh puangzar thin turin a chah. 

Pu Vanlalrema Vantawl,President MJA  chuan  MJA chu NGO anih  loh thu leh NGO anga chet lak a remloh thu  sawiin  mipuite  rilru leh sukthlak a zau zawk theih nan  chanchinthar puan zar kawngah zim lovin  hawichhuah zau a ngai ani a ti. 

Vawiin  Journalist Workshop  kaihruaitu Pi Lalnithangi I&PR Director chuan tunhnaia chanchinbu mite hmasawnna   leh hamthatna a taka hmuh leh chan theih anih na  kawnga sulsutu leh tanpuitu Mizoram Sorkar leh I&PR Minister te hnenah lawmthu sawiin Aizawl leh State pawn te thleng pawha Journalist te tana Study Tour hrang hrang leh thildangte  ruahman chhoh mek anih thu  a sawi.Chawhma hun tawp ah  Pu David L Thangliana,Jt Director,I&PR in  lawmthu a sawi ani.

Chawhhnu  lam Session hnihah then leh in  Pi Lallianpuii Joint Director,I&PR kaihhruai na in  thupui pathum zirho ani leh a. Chungte chu - 

(1) Language - Pu Rozama Chawngthu,Former Principal,Synod HSS 

(2) Journalism –Dr C.Lalmuansangkimi.Asst.Professor,Faculty,IIMC,NE Regional Campus

(3) Social Media – Dr Irene Lalruatkimi Asst.Professor,Department of Mass Communication.MZU