Chief Minister Pu Lal Thanhawla sawmna ngaipawimawha Mizorama lokal, Jewish Voice Ministry International a hotu te leh member ten vawiin tlai khan  Chief Minister Pu Lal Thanhawla chu a chenna in McDonald Hill, Zarkawt ah an hmu

 

 

Jewish Voice Ministry International (JVMI )hi ringlotute hnena Pathianthu chah puandarh hi a thil tum ber a ni a.Mizorama an lokalna chhan ber pakhat chu mipuite tana free medical camp siam a ni. He a thlawna inentirna hun an siam tur hi Serchhip leh Saitualah te neih ani dawn a. Serchhipah chuan thla thar March ni 1 leh ni 2ah zing dar 9 atanga tlai dar 4 thleng a ni anga, ni 3ah chawhma chhung neih a ni bawk ang. Saitual ah chuan ni 4 leh 5 ah zing dar 9 atanga tlai dar 4 thleng leh ni 6 ah chawhma chhung an nei bawkang. Camp neih chhung hian damdawi leh mamawh dang, entirnan tarmit, a thlawnin sem a ni bawk dawn a ni.

JVMI hi Phoenix, Arizona, USA a hmunpui nei an ni a. Mizorama lokal turte hi an vaiin 30 vel an ni dawn a, Inriinni khian an rawn thlen kim beisei a ni. Tuna lokal hmasa te hian a hmunhmate an lo thlithai rih anga, karleh lamah camp chu an tan dawn a ni.He Pawl hian Mizoram chhunga mautam avanga tawrhna tawkte hnenah buhfai an lo sem tawh nghe nghe a ni.

An cham chhung zawk hian Presbyterian Durtlang Hospitalin an lo buaipui dawn a. March ni 7 ah Kolkata panin an let leh ang.