Mizoram sorkar Sports Programme pawimawh tak ‘Catch Them Young’ hnuaia 1st Batch Refresher Course for Judo Trainers Residential Coaching Camp April ni 7-27, 2010 chhunga buatsaih chu vawiin khan Ramhlun Sports Complex hmunah Sports Minister Pu Zodintluanga’n a khar. He hunah hian Judo Training Camp chhuakte hnenah Khuallian-in Certificate a hlan bakah tun hnaia N.E.Games 2010 Shillong, Meghalaya-a Judoka 12 medal rawn hawn te chawimawina neih a ni nghal bawk a ni.
Khuallian Sports Minister chuan sorkar programme tihlawhtling tura Sports Association te hmalakna avangin chak taka Mizo infiammiten state leh national level-ah hmasawnna nasa tak an neih avangin an fakawm a ni, a ti a. ‘Catch Them Young’ Programme kum 1 chhung lekah pawh national level-ah medal la theia kan awm thei mai hian Mizo thalaite talent nei thatzia tilangtu a ni, a ti bawk. Mizoram State Sports Policy duanchhuah a ni tawh thusawiin Pu Zodintluanga chuan Mizo infiammite chu an hriselna uluk leh zuala, tih takzetna leh insiamthatna rilru an put chho zel avangin sorkar tan hmalak a phurawm a, hun lo kal zel turah Mizoram hming tithatu an nih chho zel nan duhsakna a hlan a ni.
Mizoram Judo Association President Pu R.Vanlalduata pawhin thusawiin sorkarin ‘Catch Them Young’ programme a kalpui atanga Judo infiammite zingah hmasawnna namen lo hmuh tur a awm thu a tarlang a. Tun hnaia N.E.Games-a an tel atanga Mizo infiammite tanlakna tur chu taksa hriselna (physical fitness) leh training laia thutak zawk te a ni, a ti.
1st Batch Refresher Course for Judo Trainers Training hi ni 20 chhung neih a ni a, District 5 leh Club hrang hrang 11 atangin mi 22 an tel a, hlawhtling takin mi 21 an chhuak a, pakhat erawh chu a inhliam avangin a zo ve thei ta lo a ni. Training chhuakte hi anmahni Club-ah leh Club hrang hrangah ‘Catch Them Young’ programme angin naupangte training pe chhawng leh thei tura zirtirna pek an ni.
Judo Trainers Camp kharna inkhawm hi Pu Lalhruaitluanga, Sr. Vice-President, Mizoram Judo Assn. in a kaihruai a. Sports Council aiawhin Sr. SPO Pu Laltlanthanga bakah MPCC Sports Cell hruaitu engemawzat ten an rawn chhim ve a ni.
Judo hi martial arts zingah upa ber pawl a ni a, International Olympic Committee pawhin Olympic Games-a a pawm hmasak ber, kum 1964 khan telh tawh a ni nghe nghe. Mizoramah chuan 1977 atang khan kan lo hmelhriat ve tan a, 1981 khan India Coah Pu Tony Lee chuan Mizote training a rawn pe tawh a ni. Kum 1987 khan Mizoram Judo Association hi din tan niin tun thleng hian National level-ah pawh medal hawn tam ber an ni chho reng a ni. Tunah hian MJA hnuaiah hian NIS Coach Training pawh pali 4 lai an awm a, zir mek 1 bakah Black Belt pawh mi 16 lai an awm tawh a ni.
Mizoram Judo Association President Pu R.Vanlalduata pawhin thusawiin sorkarin ‘Catch Them Young’ programme a kalpui atanga Judo infiammite zingah hmasawnna namen lo hmuh tur a awm thu a tarlang a. Tun hnaia N.E.Games-a an tel atanga Mizo infiammite tanlakna tur chu taksa hriselna (physical fitness) leh training laia thutak zawk te a ni, a ti.
1st Batch Refresher Course for Judo Trainers Training hi ni 20 chhung neih a ni a, District 5 leh Club hrang hrang 11 atangin mi 22 an tel a, hlawhtling takin mi 21 an chhuak a, pakhat erawh chu a inhliam avangin a zo ve thei ta lo a ni. Training chhuakte hi anmahni Club-ah leh Club hrang hrangah ‘Catch Them Young’ programme angin naupangte training pe chhawng leh thei tura zirtirna pek an ni.
Judo Trainers Camp kharna inkhawm hi Pu Lalhruaitluanga, Sr. Vice-President, Mizoram Judo Assn. in a kaihruai a. Sports Council aiawhin Sr. SPO Pu Laltlanthanga bakah MPCC Sports Cell hruaitu engemawzat ten an rawn chhim ve a ni.
Judo hi martial arts zingah upa ber pawl a ni a, International Olympic Committee pawhin Olympic Games-a a pawm hmasak ber, kum 1964 khan telh tawh a ni nghe nghe. Mizoramah chuan 1977 atang khan kan lo hmelhriat ve tan a, 1981 khan India Coah Pu Tony Lee chuan Mizote training a rawn pe tawh a ni. Kum 1987 khan Mizoram Judo Association hi din tan niin tun thleng hian National level-ah pawh medal hawn tam ber an ni chho reng a ni. Tunah hian MJA hnuaiah hian NIS Coach Training pawh pali 4 lai an awm a, zir mek 1 bakah Black Belt pawh mi 16 lai an awm tawh a ni.
