Vawiin khan A.H & Vety Department chuan an Directorate Buildingah Farmer’s Information Centre hawnna hun an hmanga, Pu T. Sangkunga,Secretary,A.H & Vety. Deptt. chu khuallian a ni. Pu Sangkunga chuan khawpui leh thingtlang thlenga ranvulhtute tan he Centre hi a tangkai hle tur thu a sawi a, thawk tha leh thalo te, mahni awmna tur hmuna awm tha duhlo te thlengin he Information Centre kaltlang hian a hriat zel theih dawn avangin thawktute inenkawlna chungchangah pawh a tangkai hle dawn a ni a ti.
Hawnna inkhawm hi Dr. L.B. Sailo,A.H & Vety. Director in a kaihruai a, Dr. K. Rokhawla, V.I.O in Technical Report a pe a ni. Inkhawm hman zawh a nih hnu hian Pu T. Sangkunga chuan Department hotute leh ran vulh tute kawmna a nei nghal a, Mizoramin ran vulh lama hma kan sawn zel theihna tur atan thil pawimawh chi hrang hrang te an sawiho.
