Vawiin dar 11 khan Inter Department Football Tournament 2010 Lunglei district tan Lunglei a Thuamluaia Mual-ah hawn a ni. He tournament hawnna hi Dr. Andrew H. Vanlaldika, Vice President LDFA in a kaihruai a. Pu T. Lalduhawma, Add. DC Lunglei-in Mual lama football pet chhuakin a hawng.
Hawnna thuchah sawiin Pu T. Lalduhawma chuan Inter Department Tournament hi 2003 khan neih a lo ni tawh a. Hun rei tak neih loh anih hnuin kuminah Lunglei Bawrhsap Pi M. Zohmingthangi IAS min phurpuina leh LDFA te huaihawtin he tournament kan nei leh thei hi a lawmawm em em a ni a ti a. He tournament in a thil tum chu sorkar hnathawh ten rim takin mahni hna thawkin tumah department angin in hmelhriatna tha kan nei thei lova, he tournament buatsaih a nih hian sorkar hnathawkte inkarah in unauna, in hriatthiamna leh thawhhona tha a thleng ngei ka beisei a ni a ti a. He tournament hi kumtin buatsaih theih anih loh pawhin kum khat danah tal buatsaih theih nise a lawmawm hle ang a ti bawk.
He tournament ah hian department hrang hrang tangkawp team 26 awmin team 17 an in khel a ni. Inkhelh hmasa ber team te hi Education leh PHE department an ni.
He tournament ah hian department hrang hrang tangkawp team 26 awmin team 17 an in khel a ni. Inkhelh hmasa ber team te hi Education leh PHE department an ni.
