Vawiin khan Parliamentary Secretary Pu Lalrinmawia Ralte chuan Kanghmun khuaah 5th Reiek Zonal Football Championship 2010 a hawng. Hawnna inkhawm hi C. Ramengmawia, Sr. Vice President Reiek Zone FA in a kaihruai a. Reiek Zone chhunga khaw hrang hrang 11 atangin team 12 an tel a, pool 4 ah thenin 1st May, 2010 hian final khelh a ni ang.
Hawnna inkhawmah hian Khuallian Pu Lalrinmawia Ralte chuan thu sawiin Mizo hnam nun tlachhe mek siamtha turin thalaite a tha zawnga rual elna leh tumruhna neia nun uluk turin a fuih a. Ramngaw chereu nasa zel tur vennan ngaw thar siam zel tura tan lak chu thalaite mawhphurhna a ni tih a sawi bawk.

Pu Lalrinmawia Ralte hian Reiek leh a chhehvela NREGS hnuaia hnathawh te a hmunah a en nghal a ni.a