No.1847/2020-2021

Aizawl 9th June, 2020: ZMC laboratory ah nimin atang khan chawl lovin khawl thar nen swab sample test char char a ni a, zanin dar 6:15 P.M. thleng khan COVID-19 positive mi 46 hmuhchhuah an ni tawh a. Sample test hi tih chhunzawm mek a ni a, a remchan dan azirin update zel a ni ang.

COVID-19 vei hmuhchhuah tharte hi kum 18 leh 33 inkar an ni a, Lunglei District mi leh sa 43 leh Lawngtlai District mi leh sa 1 leh Aizawl district atangin mi 2 (ZMC a admit sa) an ni. West Bengal atanga lo haw 2, Goa atanga lo haw 6, Bangalore atanga lo haw 3, Punjab atanga lo haw 2, Delhi & Noida atanga lo haw 23, Haryana atanga lo haw 4, Chhattisgarh atanga lo haw 2, Uttarakhand atanga lo haw 2 leh Maharashtra atanga lo haw 2 an ni. Mipa 31 leh hmeichhia 15 an ni a, hospital a admit sa pahnih bak hi quarantine lai vek an ni.

Tunah hian COVID-19 vei mek (active cases) mi 87 an awm a, an zinga 47 hi mipa, 40 hi hmeichhia an ni.