No.3554/2021-2022  
Aizawl, the 5th January 2022 : Sawrkar Laipui Ministry of Education ruahman angin National Kala Utsav Competition ( Hnam zia rang chawinun / chawisanna tura intihsiakna) 2021-22 chu January ni 1, 2022 (Inrinni) khan neih tan a ni a. Mizoram zirlai te pawh he intihsiaknaah telin School Education Department Conference Hall atangin Kala Utsav hi an lo zawm ve a ni.

Kumin ah hian Higher leh High School atangin zirlai naupang 15 in item hrang hrang ah Mizoram ai an awh dawn a. He intihsiakah ah hian Vocal Music – Classical; Vocal Music - Traditional Folk; Instrumental Music – Classical; Instrumental Music Traditional Folk; Dance – Classical; Dance – Folk; Visual Arts 2 D; Visual Arts 3 D leh Indigenous Toys & Games ah te inelna neih a ni dawn a. Kala Utsav National Competition hi January ni 12 2022 thleng a awh dawn a ni.

Kala Utsav Competition ah hian nikum khan Govt. Mizo High School Aizawl leh Ramlaitui High School Lunglei ten National Level Competition ah lawmman an lo dawng tawh a. COVID -19 hripui len hma chuan New Delhi leh Bhopal ah te neih thin a ni a, mahse nikum atangin COVID 19 vangin online hmangin neih a ni. Mizoram aiawha tel tur te hi a hmain District Level ah intihsiakna an lo nei tawh a, District Level ti tha te hian he intihsiaknaa Mizoram ai an awh a ni.