No.3555/2021-2022  
Aizawl, the 5th January 2022 : Vawiin khan Mizoram State Legislative Assembly Speaker Pu Lalrinliana Sailo leh Deputy Speaker Er. Larinawma hovin Assembly Annexe Conference Hall-ah Assembly a hnathawk ten inhlanna leh infuihtharna hun an hmang.

Speaker Pu Lalrinliana Sailo chuan kum thar 2022 tluang taka Pathian-in a hruai thleng chu a lawmawm takzet tiin Covid-19 hri leng karah vawiin hun an hmang thei chu vannei a intih thu a sawi a. Kan hnathawhna hi hun tam tak kan hmanna hmun a ni tiin mahni insiamthatna leh hmasawnna tur ngaihtuah a, rilru inbuatsaihna nen kum 2022 hman a pawimawh thu a sawi a. Kum 2022 chu Mizoram Legislative Assembly Golden Jubilee kum tur niin, a lawmna buatsaih chungchangah thawktute thahnemngaihna leh inpekna nasa tak a ngai dawn a ni, a ti a. Mahni hnathawh theuh hriatchian a, mahni inenlet fo bakah rinawm taka sawrkar hnathawk theuh turin a fuih a ni.

Deputy Speaker Er. Lalrinawma pawhin thu sawiin thawktuten kan thawhpuite bula hlim hmel pu chungin hawihhawm taka min dawr tute hmachhawn a ngai a ni, a ti a. Kalkhawmte hnenah chuan a te ber atanga a lian ber thlengin chanvo kan neihte rinawm taka thawh kan tum tur a ni tiin a sawi a. Mahni hnam zia ngaihsan pawimawhna leh hnam zahpui lo mi nih a tul zia a sawi bawk a ni.

Inkhawm hi Commissioner & Secretary Pu H.Lalrinawma’n a kaihruai a. Additional Secretary Pu Lalhmahruaia Zote atangin thusawi tawi ngaihthlak a ni bawk a ni.