2968/2022-2023 

Aizawl, the 6th December 2022: Vawiin tlai khan Raj Bhavan-ah, zan khat riaka Mizoram rawn tlawh tu, Pu Kalyan Chaubey, President, All India Football Federation(AIFF) chuan Governor Hari Babu Kambhampati chu a chenna in, Raj Bhavan-ah a kawm.

Pu Kalyan Chaubey, President, All India Football Federation(AIFF) chuan Governor hnenah Football a Mizoram hmasawn dan chungchang te a sawi a. A lo kal chhan te sawiin Football kaihhnawih thil pawimawh dang te an sawi dun a ni. Governor Hari Babu Kambhampati chuan Mizoramah thlaite Football-ah an tui tih a sawi a. Football tihhmasawnna kawngah AIFF anga  Mizoram tana thil tih theih te lo ngaihpawimawh sak turin a ngen a ni.

Pu Kalyan Chaubey, President, All India Football Federation(AIFF) hian vawiin tlaiah MFA hruaitute a kawm dawn a. Sports Minister Pu Robert Romawia Royte nen pawh an inkawm leh dawn a. Hemi hnuah hian MPL Final Kick Off chu khuallian niin a chhim dawn a. Naktuk hian Sairangah MFA Football Ground a tlawh dawn bawk a ni.

Attachment

  • Loading attachment...