Vawiin chhun khan Central YMA Hall,Tuikhuahtlang Aizawl ah Pu Lal Thanzara PWD Minister chuan PWD,Aizawl Road South Division Field Staff te hnen ah an hnathawhna a hman tur in Safety Helmet a sem.

PWD in LE & IT Department hnenah an hnathawktute hman tur Safety Helmet an dil hlawhtlin ah lawmthu sawiin khuallian Pu Lal Thanzara chuan ram changkang zawk te chuan kut hnathawktute sahimna hi an ngai pawimawh em em a, an invenna tur hmanrua te an lo ngaihtuah sak tawh thin, chutiang bawkin Mizoram Sorkar pawh hian a lo ti tawh thin in anmahni hriat hran theih na tur kawr rawng lar tak tak leh Helmet te a lo pek tawh thin thu leh vanduaina lo thlen palh thulh ah sahimna ngaihtuah sak an ngaih thu a sawi.

Inkalpawhna tha nei tura sorkar hmalak dan sawiin khuallian chuan kawngtha kan neih theih nana sulsutu ber chu PWD Officer leh Contractor te, labour te an niin Sairang leh Lengpui kawng te leh hmun dang dang ah an kutchhuak zahpuiawm loh tak tak ah te kan tlan thei ta chu a lawmawm thu sawiin kawngpui mai bakah building lama hmalakna tha tak tak hmuhtheiha a awm chho mek chu fakawm a tih thu a sawi rual in heng hlawhtlinna kan neih meka a labour tangkai na chu sorkar in a hmuhhmaih lova, an hamthatna tur pawh a duang chho mek a ni tiin an hriselna, fate zirkawng leh zirlai tithate hnena lawmman pek leh thil dang dang ah hmalak chhoh mek a niin thenkhat te chuan a zar an zo tawh a ni a ti a. Chutih lain PWD chauh lo Department dang pawh an than chhoh mek thu leh mirawihte sahimna chu ngaih pawimawh a tul thu sawiin labour kalkhawmte hnenah theihtawpa kan ram leh hnam tan leh sorkar tana thawka thil tha tih tum tur in Minister chuan a chah a. Safety Helmet chu kut hnathawktute hnenah a sem a ni.

Pu Lalhmachhuana, Director LE &IT in he programme hi a kaihruai a. Pu Vanlalmuana, Executive Engineer, PWD chuan thu tawi sawiin, Pu Francis Lianmawia, Asst. Welfare Commissioner, Mizoram Building & Other Construction Workers Welfare Board chuan lawmthu sawiin hun a khar a ni.