No.1875/2020-2021

Dated Serchhip, the 10th June, 2020: Vawiin hian Kanghmun ‘S’ Village Level Task Force aiawhten Serchhip district chhunga khunghran mekte tana chawhmeh chi hrang hrang Pu HD Lalpekmawia, Addl. Deputy Commissioner, Serchhip District hnenah an hlan.

Heng thilpek hlanna hun hi DC Office tualah neih a ni a, Kanghmun ‘S’ VLTF aiawhin Pu David-a, VCP, Pu ZD Lalchhandama, Secretary leh VLTF member 4 ten an khaw mipui te thawhkhawm chawhmeh chi hrang hrang an rawn hlan a. An thilpekte chu: Maian tel 70, Antam tel 80, Chingit tel 10, Phuihnam tel 15, Tel pack 3, Hmarcha dip pack 3, Dawl tel 1, Iskut hnah tel 1, Theihai pum 80 leh Dal 2kg a ni a, hengte hi District Level Task Force in tul leh remchang a tih anga hman turin an hlan a ni.

Addl. DC chuan district chhungah khaw bengvar tak tak an awm chu vanneih thlak a tih thu a sawi a, Kanghmun ‘S’ VLTF hruaitu te leh khaw mipuiten hah tak an thawhchhuah chawhmeh chi hrang hrang an rawn pekte chu a hlu hle a ni, tiin lawmthu a sawi a ni.