No.1877/2020-2021

Lunglei Deputy Commissioner Pu V.Lalsangliana chuan a hnuaia tarlan ang hian Containment Area chungchangah thuchhuah a siam.

COVID-19 laka invenhimna turin ram pum leh Lunglei District-ah pawh theihtawp chhuahin hma lak zel a ni a. Mizoram pawn atanga rawn hawte pawh khung hran zelan ni a. Lunglei District chhungah COVID-19 positive pahnih hmuh a nih hnuin Ni 9.6.2020 hian positive dang 43 lai hmuh chhuah leh an ni a.

Tuna positive hmuhchhuah tharte hi mipui vantlang zinga hmuhchhuah ni lovin, state dang atanga rawn haw, Government Quarantine Facility, Community Quarantine Centre leh Home Quarantine a awm laite niin, Sorkarin COVID-19 positive-te enkawlna tur a buatsaihah dah nghal an ni a. Mipui tan chiaina tur a awm lova, a hmunhmate pawh Disinfection Team-te'n an tihthianghlim nghal vek a ni. Sorkarin inkaihhruaina a siamte zawm a, fimkhur taka kan awm hian tuna Positive Case-te avang hian hlauhthawn tur a awnm lo a ni.

Hetiang hi kan dinhmun a nih avang hian ni 4.6.2020 leh ni 5.6.2020-a Containment Area a puan tawh sa bakah heng Positive hmuhchhuah tharna hmunte hi luh leh chhuah phal lohna hmun (Containment Area) atan puan ngai niin hriat a ni a.

Chuvangin, regulation 11 (1)(b) of the Mizoram Epidemic Disease (COVID-19) Regulations, 2020 behchhanin heng a hnuaia tarlante hi Containment Area atan puan a ni a, Medical Duty, Security Duty leh Deputy Commissioner-in phalna a pekte chauh lo chu mi tumah an lutin an chhuak tur a ni lo.

1. Lunglei Government College (Covid Care Centre) huam chhung, Main Gate atanga Arts Block inkar leh a thlang lam meter 20 huam chhung.

2. Gov't High School, Lunglei (Government Quarantine Facility) huam chhung.

3. Community Quarantine Centre, BCM Electric Veng - Hmarlam atangin Pi Zuimawii te in peng (BCM Biak in peng) a ni ang a, chhim lam atangin BCM Biak in leh Pu Zahmingthanga te in inkar.

4. Lunglawn kawng chung peng atanga Pi Lianchami in inkar leh chhuah lamah Pi Lianchami in atanga Thlanmual No.1 inkar.

He thupek hi thu leh awm hma chuan hman tur a ni ang.