Lunglei District Magistrate Pu K. Lalrohlua chuan kangmei laka mipui an him theih nan Sec.144, Cr.P.C. 1973-in thuneihna a pek angin a hnuaia thupek hi a chhuah –
- Lunglei District chhunga Lo, Leipui leh Huan ram vat ten March ni 15, 2017 ral hma in an hal vek tur a ni. Tin, March ni 15, 2017 hnu lama hal luite chu an ram hal ah hian Lo/ Leipui/ Huan atana enkawl zui phalsak an ni lovang. Hetianga ram lo hal lui awmna Khua VC-te chungah pawh dan angin hma lak a ni ang.
- Lo, Leipui leh Huan hal tur ten meilam tha takin an sial tur a ni, vah chin bak an tikang tur a ni lo.
- Ram leh In tikang thei meizial bung leh a dangte an paih mai mai tur a ni lo.
- Ram tikang an awm chuan a na thei ang bera hrem an ni ang.
He thupek hian Lunglei District-ah thupek tihchhuah ni (08.02.2017) atanga thla hnih chhung a huam ang. Thupek zawm lote chu dan angin an chungah action lak a ni ang.
