3931/2022-2023
Lunglei DC Pi Ramdinliani, IAS chuan Lunglei District mipuite kangmei laka him nan 20th March, 2023 khan a hnuai a mi ang hian thuchhuah a siam.
Tun lai hian khua a thalin a ro chho hle a, kangmei laka kan him theihnan mitinte kan fimkhur lehzual a tul hle a ni. Tin, tunhnaiah kan chhehvel hmun thenkhatah kangmei a chhuak nual a, chuvangin, kangmei tichhuak lo turin mitin kan fimkhur a tul takzet a ni. Kangmei laka Lunglei District mipuite kan him zawkna'n a hnuaia thupekte hi zawm theuh turin kan inhriattir e:
1. Veng tin Village Disaster Management Committee te intuaithara, in ralring renga awm tur a ni a. Kan khaw ram chinah kangmei chhuak a awmin a ti kangtu chhuichhuah chu Village Council mawhphurhna a ni. Tin, ram tikangtu hriat a nih veleh District Administration hnenah hriattir vat tur a ni.
2. Village Council tinin mahni khaw ram chinah ram kang emaw in kang emaw a awm a nih chuan a rang thei ang berin District Emergency Operation Center (DEOC) Toll Free Number 1077-ah emaw, bialtu Zonal Officer leh Fire Department ah te hrilhriat vat zel tur a ni.
3. State Level Sub-Committee on Fire Prevention meeting thuchhuak lehkha No.B.25020/5/2020-PCCF(G) dated 18.02.2023 point no. 3 in a rel angin huan lo ram hal hun bi tuk chu March ni 15 thleng a ni a. Chuvangin, mi tumahin March ni 15 hnu lamah huan lo ram hal phal a ni lo.
4. Kangmei chhuah chhan hi mihringte fimkhur loh vang leh inthlahdah vang a ni thin a, chuvangin ramhnuai leh in bulah te meizial bung nung lai paih mai loh tur a ni.
5. Kangmei laka kan him theihna'n kan in leh a vel te kan tifaiin, thil kang awlsam bik (Petrol, diesel, khawnvartui lehkhachhia, sarang, etc)te tlahdah taka dah emaw paih hnawk mai loh tur a ni. Tin, kan in leh a bul vela bawlhlawh paih phalna hmun nilo ah bawlhlawhte paih mai mai tur a ni lo.
6. Kan in luah leh a vela electric wiring fel leh fel loh te, electric short thei awm te en fel fo thin tur a ni. Ar vulh mi ten electric wiring tha taka fit a, kangmei tichhuak lo tura enkawl tur a ni. Kangmei tichhuak tu manchhuah a nih chuan District Administration in order No.B.13011/5-B/2022/DCLP dated 01.02.2023 hmanga a lo chhuah tawh angin an chungah na taka action lak a ni ang.
