Vawiin hian Fire & Emergency Services, Serchhip Fire Station-a thawktuten Lal Thanhawla Higher Secondary School Serchhipah, kangmei emaw chhiatrupna lo thleng palha insaseng dan tur a takin an zirtir.

Fire & Emergency Service te hi Pu Lalbiaksanga, Sub Station Officer hova thawkchhuakin drill hi an nei a, National Fire & Evacuation Drill in India ram hmun hrang hrang; vantlang hmun leh school-ah te kangmei leh chhiatrupna lo thlen palha insaseng dan tur leh inchhanchhuah dan zirtir thin tura tih an nih angin he hun hi buatsaih a ni a, hliam tuar leh mitthi sawngbawl dan turte an zirtir bakah, kangthelhna hmanrua hman turte a takin an zirtir bawk a ni. Vawiin Fire & Evacuation drill-ah hian lirnghing in School Building a tihchhiata mi engemawzat hliam tuar awm anga lemchan a ni a, zirlai naupang dama tlanchhuak thei ten tlan chhuak thei ve lo an thian hliam tuarte an chhan chhuah dan tur inzirtirna a ni.

Serchhip Fire Station ah hian Sub Station Officer hovin thawktu mi 11 an awm mek a ni.