Vawiin chawhma dar 11.00 khan DC’s Conference Hall-ah State Bank of India, Siaha Branch te chuan CSR (Corporate Social Responsibilities) hnuaiah, Siaha District l Hospital a hmantur Stretcher 4 leh Wheelchair 4 an hlan. He Donation Programme hi Pu L. Sapramthanga, General Manager SBI, Siaha Branch chuan kaihruaiin, Pi Harleen Kaur IAS, District Bawrhsap chuan khuallian niin he hun hi a hmanpui bawk.

Pi Harleen-i chuan thu sawiin, hetianga SBI, Siaha Branch ten an CSR hnuaiah tanpuina thilpek hrang hrang School-ah te, Hnuchham Inah te leh Hospital-ah an lo pek tawh thin thu ka hriat hian min ti lawm tak zet a. Kum 2013- a District Hospital a Ambulance an pek phei chu Siaha District mipuite hian an chhawr tangkai tak zet a ni tih ka hmu a, CSR hi hman tangkai zel turin Siaha District-a kan Bank neih te hi ka ngen a, duhsakna ka hlan nghal bawk a ni, a ti.

Vawiin programme-ah hian Dr.C.Lalrosanga, Medical Superintentdent pawhin thu sawiin, SBI, Siaha Branch te hnen atangin, CSR hnuaiah tanpuina hrang hrang an dawng thin chu lawmawm a tih thu sawiin, Siaha District mipui tana atangkai zia leh he CSR hi ram leh khawtlang rawngbawlna chhenfakawm tak nia a a hriat thu a sawi bawk.