District Level Task Force Committee on Prime Minister's Employment Generation Programme (PMEGP),Kolasib District chu vawiin khan an chairman District Bawrhsap Pu H.Lalengmawia hovin DC Conference Hall-ah PMEGP loan chungchanga hmalakna sawiho in an thukhawm.
Meeting-ah hian Pu H.Lalengmawia chuan PMEGP hnuaia hmalakna a chak zawk nan Kolasib district a Khadi & Village Industries Commission Board (KVIC), District Industries Center (DIC) leh Bank ten thawhhona tha neih a pawimawh a ni tiin, bank te pawh dawr nuam taka awm turin a chah a ni. Mipui tana thawk kan nih tih inhria a thahnemngaia hmala turin a sawm a ni.
Kolasib district a KVIC hnuaiah hian PMEGP loan dilna 74 pawm tawh niin, DIC hnuaiah dilna 18 pawm tawh a ni a, hengte hi bank lamah thawn tawh a ni.
Sorkar laipuiin kaihhruaina thar a siam angin PMEGP diltu sponsor te hi online a upload vek a ngai tawh a. Diltu sponsor te hi bank lam atanga an hma lakna report theh luh thin tur a ni. Vawiin meeting-ah hian project upload chungchanga hnufum deuhna lai te sawiho niin, hmalak dan tur te sawiho a ni a. KVIC, DIC leh Bank te inbiakpawhna tha zawk nena hmalak dan tur te sawiho a ni bawk.
