No.3075/2021-2022

Aizawl, 22^nd November, 2021 : Mizoram University leh University of Guadalajara, Mexico te buatsaih “International Conference-cum-Workshop on Mathematics Education”, Mizoram sawrkar HRD Board leh Mizoram Mathematics Society te sponsor,  ni 15.11.2021 a hman tan chu tluang taka neih zawh a nih hnuin ni November ni 20, 2021 zan dar 7:00PM khan a kharna programme hman a ni a, kum tina neih chhunzawm zel tum a ni. He hunah hian Mizoram University Pro-Vice Chancellor Prof J.K.Patnaik chu khuallian niin Dr Oscar Blanco Alonso, Secretary, University of Guadalaraja, Mexico leh Pu James Lalrinchhana, Director, School Education, Govt of Mizoram te chu khual zahawm an ni.

He hunah hian Dr J.P.Singh, Head, Department of Mathematics MZU chuan conference report pe in he huna tel tur hian zirtirtu leh research scholar 612 in registration an tih thu te, Mathematics zirna lama Research paper thahnem tak he conference atan dawn a nih thu leh heng zinga 20 te chu he hun chhunga presentation nei tura thlanchhuah an nih thu te, Research paper tha ber thlanna neih niin Pi Shereen El Bedewy, Johannes Kepler University, Linz a PhD zirlai paper ‘Taj Mahal as an architectural, Mathematical, Cultural and Historic Reason for a STEAM practice’ chu Best paper Award dawng tura thlan niin he Award hian certificate leh pawisa fai Rs 10,000 a a ken tel thu te, He conference-ah hian zan tin a bik taka sawm khawvel hmun hrang hranga chhiarkawp zirna lama mithiam bik - Dr G.C. Dominguez USA te, Prof T.K.Dutta, India te, Prof K.Fenyvesi, Finland te, Prof B.Kaur, Singapore te, Prof Z.Lavicza, Austria te bakah Mizorama Mathematics a sul lo su tu Dr L.N.Tluanga ten thupui thlan sawihawnna an neih thu te a report a ni.

Conference kharna inkhawm hi Prof  Jamal Hussain, MZU chuan kaihruaiin Prof Veronica Vargas, University of Guadalaraja chuan inlawmna thu a sawi a. Khuallian Prof J.K.Patnaik, Pro-Vice Chancellor, MZU chuan Mizorama Mathematics hlauhna (Phobia)  la awm hi a theih anga ti bo turin  Mizoram University chuan hma a la zel dawn a ni tiin Conference hlawhtling taka buatsaih tute chungah lawmthu a sawi a.  Khual zahawm Pu James Lalrinchhana, Director, School Education chuan hetianga zirtirtu leh zirlaite mamawh programme khawvel huapa neih a ni chu lawmawm a tih thu leh Mathematics zirtirtu tam tak an tel thu leh te, hetiang programme hi neih leh zel tha a tih thu leh Mizoram Education department in a theih anga puih a inhuam thu a sawi lang bawk. Khual zahawm Dr Oscar Blanco Alonso, Secretary, University of Guadalaraja, Mexico chuan Mathematics zirna kawngah khawvel hmun hrang hranga mithiamte kan tanrual a ngai a, mathematics hlauhna hi tunlai thiamna technology hmangin kan ti bo thei a ni a ti bawk.

He hun hi Dr S.Sarat Singh, Associate Professor, Department of Mathematics, Mizoram University chuan lawmthu sawina hun hmangin a khar a ni.