AMKA Lunglei District buatsaih 10th Inter-District Karate Championship,2011 Lunglei a neih chu August ni 5 khan tluang taka zawh a ni a, District hrang hrang atangin infiammi 230 chuang an kalkhawm a ni. Kharna inkhawmah hian SSA Mission, Lunglei a Dy. DPC. SSA Pu Kawlkunga Kawlni chu khuallian a ni.

Aizawl District chuan a pumpuiah pakhatna niin Gold-30, Silver-15 leh Bronze-10 an la a, pahnihna chu Lunglei District niin Gold-18, Silver-15 leh Bronze-35 an la a ni. Laltanpuia, Aizawl District chu  Best Fighter(boy) a thlan a ni a, F. Laldinpuii, Lunglei District chu Best Fighter (girl) a thlan a ni.