2782/2023-2024

Aizawl, the 13th November 2023: Training on State Disaster Response Force Ni 13 November, 2023 chawhma dar 11:00 AM khan 5th Bn IR Headquarters, Lungverh ah Disaster Management and Rehabilitation Department leh 5th Bn IR tang kawp ten kar hnih chhung awh tur, chhiatrupna a lo thlen thulh a chhanchhuahna hna thawh dan tur zirna hun State Disaster Response Force te tan an buatsaih a. Pi K Lalrinzuali, Secretary, Disaster Management and Rehabilitation Department chuan khuallian niin he hun hi a hman pui.

Pi K Lalrinzuali hian Training a tel te chu chhiatrupna a lo thlen thulh ah an thiamna te hmang tangkai a, tanpui ngai te tanpuitu ni thei turin theihtawp chhuah a training a tel turin a chah a ni.

State Disaster Response Force training ah hian 5th Bn IR atangin mi 32 training turin an tel a, Disaster Management & Rehabilitation Department te, Aizawl District Quick Response Team te leh National Disaster Response Force lam a mithiam ten training an pe dawn a ni.

He hun hi Pu Benjamin Lalzama, Director, DM&R in kaihruai a. He hun hi Pu PC Lalduhthlanga, Commandant, 5 IR Bn leh DM&R Officers leh 5IR Bn officers ten an hman pui bawk a ni.