2781/2023-2024

Dated Saitual the 13th November 2023 : Vawiin khan Saitual DC Conference Room ah Eklavya Model Residential School (EMRS) District Level Committee chu an Chairman Dr.Lalngura Tlau DC Saitual hovin DC Conference Room Saitualah an thukhawm.

He meeting kaihruai tu Dr Lalngura Tlau chuan EMRS ah  thawktu indaihlohna avanga thawktu lakbelh chungchang ah a thiam leh tling ngei lak ni se,chutiang mi tur pawh inzawn theih hram a nih a beisei thu a sawi a. Chairman chuan EMRS chauh nilo Mizoram ah fit tawk lo chunga thawktu inlak awm thin chuan zirnain a tawrh phah hle thin a ni, a ti.

Vawiin a Meeting ah hian hian  Ngopa khuaa Eklavya Model Residential School (EMRS)a thawktu 4th Grade pakhat leh Mizo zirtirtu pakhat  lak belh chungchang leh residential school a nih anga a hmunhma tihhmasawnna tur thil hrang hrang ngaihtuaha sawiho a ni.

EMRS Ngopaah hian zirlai 270 awm mekin Principal Zodinsanga report pek danin kum 2021 Academic Session atanga bul tan an ni a, Class VI-X inkar hi CBSE Syllabus anga zirna kalpui a nih angin CBSE exam Centre an ni nghal a.Tun dinhmunah Principal telin teaching staff 12, Non teaching staff 3 leh Supporting staff 7 an awm mek a, heng bakah hian Nurse pakhat leh damlo pahnih mut theihna Health Centre an nei bawk.

Vawiin meeting-ah hian DC bakah, DEO leh District level committee member te an tel a ni.