Bangalore Mizo Association huaihawt Karnataka-Mizoram Interstate Cultural Programme leh Vangpui Kut 2012 chu nizan khan Bangalore-ah neih a ni a. Kutpa chanchangin Art &Culture Minister Pu PC Zoram Sangliana chuan a hmanpui a, a nupui leh Mizoram Cultural Troupe mi 16 ten an tawiawm.

Kutpa Pu PC Zoram Sangliana chuan India ram zau takah hian hnam ziarang leh nunphung inperhsan tak tak te hi kan inzahsaka kan inchawimawi sak tawn chuan hnam inpumkhata min siamtu thil tangkai tak a ni reng fo vang, a ti a. Thlahtu bul lian tak tak pathum Aryan thlah hmar lama cheng te, Dravidian thlah chhim lama cheng leh Mongolian thlah khawchhak lama cheng inkarah hian hnam ziarang pipu chena kan humhalh te hian ram inunauna min pek bakah zaikhatin min luantir a ni, a ti. Mizo culture chungchang sawiin khawvel huapa Guinness World Records-ah Cheraw telh a nih tawh thu te, Commonwealth Games hnuhnung berah pawh khan Mizo hmeichhe inthuam mawi tak chu India inkhelthiam rual hmahruaitu inbelnan hman  a ni, a ti a. State pahnih inkara Cultural Programme buatsaih hian rah duhawm tak chhuah ngei sela, State pahnih inkarah inunauna, thawhhona leh inpumkhatna thlenin chu chuan ram chhung hmun dang te pawh kangkai zel se a duh thu a sawi a, thuthang diklo lengvak avanga inhmuhmawhna awm thin te pawh he hun atang hian bo vek se Minister chuan a duh thu a sawi a ni.

Thusawitu dang Karnataka DGP Pu Lalrokhuma Pachuau chuan Bangalore khawpui hi zirna sang zawk duh avangin ramchhung leh hmarchhak State zirlai ten an bawh nasa em em a. Tunah phei chuan Bangalore hian hriselna kawngah chak takin hma a sawn a, damdawi in tha leh tunlai thiamna hmangin inenkawlna belhfakawm tak a neih mek avang hian ramchhung mi tam takin an pan phah lehzual a ni, a ti.Tunhnai maia thuthang diklo avanga hmarchhak zirlai te an chi ai chungchangah DGP chuan Bangalore sorkar tanlak dan leh theihpatawpa venghimtu Police ten hma an lak dan sawiin tun dinhmunah chuan boruak a muanawm tawh a ni, a ti.

Lawmthu sawitu BMA Assistant Secretary Johnson D Thianga chuan Mizoram atanga Minister leh Cultural Troupe lokal te hianBangalorekhuaa Mizo zirlai te an thlamuan thu leh boruak duhawm tak asiamzui zel a beisei thu a sawilang.

Interstate Cultural Programme lehVangpuiKutahhianStatepahnih lam leh zaithiam ten hmuhnawm takin hun an hmanga. Malzai ngaihthlak bakah BMA huaihawt kumtluana inelna hrang hrangah te lawmman sem a ni a, BMA President Pi Lalrinpuii leh an Patron Pu B Kapthuama (IAS Rtd) te pawhin fuihna thu an sawi a ni.