586/2026-2027

Dated Khawzawl, the 19th May, 2026: Nimin khan Plastic Waste Management Unit (PWMU) Kawlkulha sak chu Pu C Rosangliana, Chairman, WATSAN Committee chuang a hawng a, VC, NGO leh PHED staff engemaw zat an tel a ni.

PWMU hawnna inkhawm hi Khawzawl Sub Divisional Officer, PHED Pu Freddy Vanlalmuanawma chuan kaihruaiin, Pu TBC Lalthangzawna chuan technical report a pe a. PWMU hi Khawzawl block tana ruahman niin SBM (G) 2.0 fund hmanga thawh a ni a, Kawlkulh khua hi in 850 bawr vel niin, Kawlkulh khua bakah a chhehvela khaw hrang hrangten an hman ṭangkai theih tura ruahman niin, WATSAN enkawl chhunzawm tur a ni a, tunah hian user charge in tinah khawn ṭan nghal a nih thu a sawi a. Plastic incinerator leh segregation shed dah niin user fee collection aṭang hian bailing machine leh shredding machine te pawh leichhoh zel tura ruahman a ni, a ti.

 He hunah hian bialtu Pu Liantluanga Chohte, Sr. Executive Engineer, PHED Khawzawl chuan Plastic sawngbawlna khawl te hi mipui ten tangkai taka hmang tur leh duat taka enkawl turin a chah a,  sawrkar chauh rinchhan lova, ti hlawhtling tura mipui ten ngaihtuahna bakah kan hun leh tha te kan senral ve angaih thu a sawi a, Khawzawl District khua ten plastic hnawmhnawkte mumal leh him zawka kan senghawi theih nan Solid Waste Management Rules, 2026 dung zui zela kan thawh a pawimawh thu kalkhawmte hmaah a sawi a ni.