587/2026-2027

Lawngtlai, 19th May 2026 : Vawiin khan Lawngtlai Bawrhsap Pu Donny Lalruatsanga hovin  Mizoram Civil Services ( Combined Competitive Examination) 2025 - a Mizoram Inforamtion Service (MIS) a inziak tling Pi Gospel Vanlalpani Vandir lawmpuina a Office Chamber-ah neih a ni. He hunah hian Pi Gospel Vanlalpani Vandir Nu leh Pa, DC Office - a thawk te leh  Mizoram Journalist Association (MJA)Lawngtlai te an  tel thei  a ni.

Pu Donny Lalruatsanga chuan thinglung taka Pi Gospel Vanlalpani Vandir a lawmpui thu a sawi a. Hna tha leh zahawm tak thawk turin theihtawp chhuaha beih a ngai thin tih sawiin, a thawhrimna leh inpekna zara hlawhtlinna a chang chu a chhuanawm hle a ni, a ti. Tunah chuan sawrkar mi a nih tawh angin, a thiamna, finna leh thawhrimna chu ram leh mipuite tana hmanga, theihtawp chhuah tura fuihin a kal zelna turah duhsakna a hlan nghal a ni. 

Bawrhsap chuan Zirlaite tan hlawhtling turin theihtawp chhuah a ngai thin a, hlawhtlinna lo chang tawhte hmem atanga thutawn lakpeih pawh thi tul tak a ni, tiin, entawn tlâk te entawn thiam fo turin a chah a. A bik takin Lawngtlai District atanga mithiam zawk an lo chhuah a, hna tha tak tak an thawh theihna turin District Administration chuan theihtawp a chhuah zel tur thu tarlangin, zirlaite pawh hlawhtlinna chang ngei tura an zirlai hei turin a chah nghal bawk.

Pi Margaret J . Vanlalremmawii SDO (S) chuan DC Office aiawhin  Pi Gospel Vanlalpani Vandir hnenah hian lawmpuina ' Memento ' a hlan a ni. 

He hunah hian Pu Lalthangmawia Vandir F/o Pi Gospel Vanlalpani Vandir chuan lawmthu sawina a neiin, rinawm taka kum 30 chuang a lo thawhtawhna department - a lo zawm ve leh chu ropui a tih thu a sawi a. Bawrhsap leh a thawhpuiten a fanu lawmpuina an  buatsaih sak chu ropui a tih thu tarlangin, hmalam hunah bawrhsap leh a thawhpuite duhsakna a hlan nghal bawk a ni. Pu Lalngheta Ralte, Treasurer, MJA, Lawngtlai chuan thutawi sawiin,  Pi Gospel Vanlalpani Vandir lawmpuina MJA hminga an neih tawh thu a tarlang a. Ram leh mipuite tan rawngbawlna  kawngah theihtawp chhuah tura fuihin, MJA - te nen pawha thawhhona tha tak an neih zel a beisei thu a sawi bawk.