Nimin ni 9.8.2017 khan Superintendent of Police, Traffic, Aizawl City chuan Mizoram State Sorkar Notification No.B.12021/10/04-TRP Dt.22.8.2008 leh Section 117 of MV Act, 1988-in thuneihna a pek ang leh Khatla East Welfare Committee hotuten ngenna an siam a hmuna enfiah a nih hnuah, mipui vantlang kea kal te, lirthei hmangtute him tlan zawk nan leh chhiatrupna thil thlen palha chet a awlsam zawk theih nan Mission Veng, Kawltheihuan road (Theipalingkawh) peng atanga Nursery peng inkar kawngpui sirah lirthei eng chi mah zanriaka dah phal a ni lo tih thupek a chhuah a ni.

He thupek thar hi ni 14.8.2107 (Thawhtanni) atanga thu leh awm hma chu hman tur a ni a, thupek bawhchhiat man te chu MV Act hmanga hrem an ni ang.

He thupek hian chhiatrupna thil kangmei leh emergency kaihhnawiha duty leh Dan leh Thupek pawimawh bika Duty-te a huam lo ang.