Vawiin chawhma khan Bawngkawn YMA Hall-ah Commerce & Industries Department chuan  Aizawl North-I leh Aizawl West-I  Assembly Constituency huamchhunga NLUP 3^rd Phase beneficiary 225 te hnenah tanpuina an dawn tur 3^rd and final installment a sem a. He hunah hian  Aizawl North -I bialtu MLA Pu R.Romawia, Higher & Technical Education Minister ni bawk chu khuallian a ni.

Khuallian  chuan Aizawl North -I  leh Aizawl West -I  Constituency huam chhunga  Commerce & Industries department hnuaia NLUP  3^rd and final Installment  dawngtu te chu a lawmpui thu a sawi a. Pu R. Romawia chuan khawpui chhunga cheng mi rethei zawk  ten eizawnna ngelnghet an neih theihna tura Commerce and Industries Department hnuaia NLUP  trade mumal tak siam a ni chu lawmawm a tiin hemi tipuitling tura thawktu sawrkar hnathawkte inpekna chu a fakawm hle a ni, a ti a. Tanpuina sum sem chhuah chu tam tham lo mah se, ngaihtuahna puitling tak pu chunga hlawhtlinpui ngei thei turin kalkhawmte chu a chah a. Minister chuan Mizoram buai avanga harsatna thleng leh kan nun phunga  thalo zawnga nghawng a neihte  chu bansan a hun tawh thu sawiin tun hma kan pi leh pute hun laia intodelhna, taihmakna leh rinawmna te kha kan chhawmnung zel angai a ni, a ti a. NLUP chu chhunzawm zel anih tur thu sawiin rahbi tleu te leh chhawmdawl ngaite kan ngaihsak zel dawn a ni, a ti a. New Economic Development Policy (NEDP)  chungchang tarlangin NEDP chu Market based Economy a ni a, chumi  hnuaiah chuan  Common facilities, thil thar chhuah dah thatna leh sawngbawlna siamte bakah hralh chhuahna turte  ngaihtuah a ni dawn a ni, Minister chuan a ti a. Sawrkar hna in mi zawng zawng a daih  tawh loh avangin NLUP chu chhawr tangkaia eizawnna ngelnghet leh rintlak tak siam tura theihtawp chhuah theuh turin H&TE Minister chuan kalkhawmte chu a chah nghal bawk a ni.

NLUP semna inkhawm hi Pu C.T Rosiama, Deputy Director, DIC, Aizawl in a kaihruai a. Pi K.Zothanpuii, SDIO, DIC, Aizawl in lawmthu sawina a nei bawk a ni. Vawiin a NLUP tanpuina sum sem chhuah zawng zawng hi a vaiin Rs 68,73,000 a ni.

Vawiin NLUP tanpuina sem chhuah zat hi a hnuaia table ah hian tarlan a ni.

AIZAWL NORTH-I ASSEMBLY CONSTITUENCY:

Vawiin  tanpuina semchhuahte hi Trade chi hrang hrang  7 atanga beneficiary thlanchhuahte an ni a, 3^rd and final installment pekchhuah an nih dan hetiang hi a ni :

1. Petty Trade-I thlangtu mi 114 hnenah Rs 30,000/- theuhin sem a ni.
2. Handloom thlangtu mi 3 hnenah Rs 33,000/- theuhin sem a ni.
3. Blacksmithy thlangtu mi 1  hnenah Rs 32,000/- in sem a ni.
4. Bakery thlangtu mi 1 hnenah Rs 36,000/- in sem a ni.
5. Steel Fabrication thlangtu mi  1 hnenah Rs 33,000/- in sem a ni.
6. Tinsmithy thlangtu mi 1 hnenah Rs 32,500/- in sem a ni.
7. Petty Trade- IV thlangtu mi 2 hnenah Rs 35,000/- theuhin sem a ni.

AIZAWL  WEST-I  ASSEMBLY CONSTITUENCY

Vawiin tanpuina semchhuah te hi Trade chi hrang hrang 7 atanga beneficiary thlanchhuahte an ni a, 3^rd and final installment pekchhuah an nih dan hetiang hi a ni :

1. Petty Trade-I thlangtu mi 92 hnenah Rs 30,000/- theuhin sem a ni.
2. Handloom thlangtu mi 4 hnenah Rs 33,000/- theuhin sem a ni.
3. Blacksmithy thlangtu mi 1 hnenah Rs 32,000/- in sem a ni.
4. Petty Trade –IV thlangtu mi 2 hnenah Rs 35,000/- theuhin sem a ni.
5. Chow-making thlangtu mi 1 hnenah Rs 31,000/- in sem a ni.
6. Tinsmithy thlangtu mi 1 hnenah Rs 32,500/- in sem a ni.
7. Steel Fabrication thlangtu  mi 1 hnenah Rs 33,000/- in sem a ni.

Commerce & Industries Department hnuaiah hian NLUP Trade chi hrang hrang 25 hmangin hmalak a ni a, tun dinhmunah 1^st Phase leh 2^nd Phase hi tanpuina pek zawh vek tawh a ni a, 3^rd Phase hi final installment sem mek niin 4^th Phase erawh 1^st installment chiah sem a la ni.