Vawiin zing dar 7:00 khan Pu S.Laldingliana Parliamentary Secretary, Pu Joseph Lalhimpuia, Vice Chairman HPC leh Pi M. Zohmingthangi IAS, Lunglei Bawrhsap hovin Kawmzawl leh Saitluk thlawhna tumhmun tur enna neih a ni. Heng thlawhna tumhmun turte hi Airport Authority of India atangin Pu R. Raj Sekhar, Gen. Manager(Engineer), Pu N.V. Alali, Jt. Gen. Manager, Pu S.K. Gupta, DGM leh Pu Saidenga Asst. Director Aviation Wing ten uluk tak in an en fiah a ni.

 

 

Kawmzawl thlawhna tumhmun ah hian Cessna Caravan 208 B. passenger 9 (pakua) chuan theihna chu awlsam taka tum tir theih anih tur thu AAI ten an sawi. He kawmzawl thlawhna tumhmun siam that nan hian cheng 9.8 Crores Finance Commission ah thehluh tawh a ni.

Saitluk thlawhna tumhmun tur pawh AAI hotuten a lan fiah theihna hmun atanga en in a tha tur a ngaih a ni a; he thlawhna tumhmun siamna tur pawh 13th Finance Commission-ah Cheng 250 Crores  dil a ni. Heng AAI ten detail project Central thu neitute hnenah an report vat ang a, a rang thei ang ber a tih puitlin turn a ni ang, an ti.

Sawrkar thar Pu Lal Thanhawla kaihhruai in reilote sawrkarna an chelh chhunga hetiang hmalakna chak tak a neih nghal hi Official leh Chhimbial mipui te an lawm hle a ni.