Community Health Action Network (CHAN) leh Mizoram Police Aizawl District Executive Force te tangkawpin vawiin khan Aizawl City Area chhunga Hotel neitu leh thawktu te pualin mihring hmanga sumdawnna (human trafficking) chungchang zirtirna hun chu Booth Mansion, Aizawl Temple Square-ah neih a ni a.
He hun hmanpuitu Aizawl SP Pu Lalbiakthanga Khiangte chuan mihringa sumdawnna thilah hian Hotel leh thlen in hrang hrangte chu hman remchan a nih fo thin avangin anmahni puala training buatsaih a tul nia a hriat thu a sawi a. Hotel neitute tanpui leh tawiawm tur hian police leh mipui mimir kan thawhho thiam a pawimawh a ni, a ti.

Vawiina training-ah hian mihring hmanga sumdawnna do let nan Hotel te chu hmanrua tangkai tak an ni thei a ni tih Immoral Trafficking Prevention Act 1956 bakah a kaihnawih dante hmanga zir ho a ni