Vawiin khan Pu K. Lianzuala, Chairman Mizoram KVI Board office ah Mizoram KVI Board in August 28, 2009 a  ‘National Award 2009 for Excellence in the field of Khadi and Village Industries’  lawmman an lak lawmna inkhawm neih a ni.

 

 

He Award hi Ministry of Micro, Small & Medium Enterprises buatsaih a ni a, India ram chhunga KVI Board 33 zingah Uttar Pradesh leh Mizoram in he Award hi an dawng a . KVI Board leh KVIC te hi rural area ah hnathawk tur an ni a, tunah PMEGP ah pawh programme zawng zawng 40% hi chu rural area hian thawh tur a ni a, Mizoram KVI Board hian Mizoram khaw 791 zingah khaw 472 ah hna an thawk tawh a, rural network nei tha pawl an ni.   

Mizoram KVI Board hi June 14 1985 khan din a ni a, Board hian 1995 khan Best Board thlanna panga na a lo hauh tawh a, Nikum 2008 khan All India Best Board pathum an thlan zingah Mizoram Board hi a lo tel tawh bawk a. Tunah hian KVI Board hnuaiah thawktu 177 awmin Lunglei, Lawngtlai, Champhai, Mamit leh Kolasib ah KVI Office a awm tawh a ni.