2986/2024-2025
Aizawl the 14th November, 2024 : PWD National Highway Division-I te chuan NH-54 Bawngkawn; Durtlang peng Traffic Point leh Sairang peng Traffic Point inkar kawng, levelling dik loh avanga ruahtui/tuihawk inpaih chak tawk loin kumtin maia kawngpui tichhia a; mipui tana harsatna nasa tak a thlen fo thin chu sut kian ngei tumin helai kawng hi road engineering tha zawk nena siam that a tum a. Kawngpui hi 'peg' khenga uluk taka thuah hnih (two layer)-a resurfacing hna thawh tur a ni. Tin, road levelling uluk leh fimkhur taka tih a ngaih avangin ni 17.11.2024 (Pathianni) zing dar 7:00 atanga tlai dar 5:00 thleng kawng siam hna hi thawh tur a ni a, lirthei engmah (Emergency/Ambulance damlo phur leh rikrum thila veivak te tiam lovin) kaltlang theih lohva khar/block a ni ang. Hei hian lirthei leh mipui veivak tan rokhawlhna nasa tak a thlen theih dawn avangin helai kawngpui hmangtu zawng zawngte a theih anga lo inhmakhua turin kan inhriattir a, hnathawhna huamchhungah bungrua/lirthei engmah dah phal a ni lo vang.
Sairang road atanga Ramhlun/Chaltlang lam kaltur leh Thuampui atanga Durtlang lama kalturte tan Traffic Point hel lovin tlan theih a ni ang. Tin, Durtlang, Thuampui leh Zemabawk lama kal turte tan Ramthar Veng, Chite Veng, Bethlehem Veng leh ITI Veng leh Salem Veng lam atangin kal theih a ni.
He thupek hi Mizoram State Sorkar Notification No.B.12021/10/04-TRP Dt.22.8.2008 leh Section 115 & 117 of MV Act, 1988-in thuneihna a pek angin Pu Stephen Lalrinawma, Sr Superintendent of Traffic, Aizawl District chuan a chhuah a ni.
