Pu Vanlalvena MLA, Chairman ZOHANDCO chuan ni 3 awh tur MAHCO Ltd. Special Handloom Expo 2014 chu vawiin chawhma dar 11 khan Assembly Annex Basement- I ah a hawng.
Handloom han tih hian kawr leh puan ringawt a ni lova, a leitu leh hmangtute tihluihna hmang si lova khum khuhna leh phahchi leh a cover etc. atana tha, school uniform tur zangkhai leh nalh tak tak siam chhuak tura rilru leh ngaihtuahna sen a ngaihthu khuallian Pu R. Vanlalvena chuan sawiin kan kut kawih ngeia hna kan thawk hi a zahawm a, kan hnam thil anih avangin kan chawikang zel tur a ni a ti.
Mizo hnahthlak mai bakah kan chhehvel ah Mizo puan a tamin an hmang nasa a, hmasawn zel a ngaiin kan kut hnute pawh uluk zawkin a dik lam leh dik lo lam inthlau lutuka sulhnu awm thin ah te, siamthat a ngai a ni tiin ZOHANDCO Chairman chuan hmasawn zel tura designer hrang hrang an rawn kual dan leh enchhinna pawh an neih dan a sawi a. Kawng vawn leh handloom thlauthla chuang si lovin khawl changkang leh hnathawk chak zawk tur power loom leh computer te hmanga design dang leh tha zawk duang chhuak tura an kalpui mek dan te a sawi bawk. Khawvel ah zau zawka la inpho chhuak zel tum a nih avangin heng kan hnam puan, kan deh chhuah te hi ‘patent’ (neitu nihna) dil mek a nih dan leh mi dangten an chuhpui lohna tura humhalh a ta neih theih nana hmalak chhoh mek a nih dan a sawi bawk a, Mizoram hian kan thawn chhuah ve theih ngei tur chu hetiang Kut themthiamna thil hi a ni tiin Handloom etc. chu a subject tui ber a nih thu Pu R. Vanlalvena chuan a sawi.
Pu R. Vanmawia, Managing Director, MAHCO Ltd. pawhin MAHCO Ltd. lo in din dan report pe in, Ministry of Textiles, Govt. of India remtihna in Handloom Expo leh Fair Mizoram hmun hrang hrang a an lo buatsaih thin dan leh Zofaten state dangte ke pen ruala ke pen ve theih nan hma kan lak a ngaih thu sawiin hmun kilkhawr deuh zawk a awm ten man tlawm deuh zawk a handloom thawmhnaw te an lei theih nan a hetiang a Expo leh Fair te hmun hrang hrang a buatsaih an nih thu a sawi.
He hawnna inkhawm kaihruaitu Pu Zohmangaiha chuan Electric Power Supply lamah pawh hotute hmalaknaa a kan la intodelh dawn avangin power loom te nen changkang zawka dehchhuah theih thuai a beiseiawm a ni tiin tun Expo 2014 pawh hi en tur leh zir chiang tura mithiam te leh hnam dang ten tlawh an tum thu a sawi bawk.
Vawiin a Special Handloom Fair hawn hian ni 18.12.2014 thleng a awh ang a, man tlawm zawk a hralh tum a niin Aizawl pawn lam atanga lo kal te nen dawr 29 hawn a niin member 500 chuang a awm a ni.
