District Disaster Management Authority, Aizawl chuan chhiatrupna lo thleng thei laka kan him zawk theih nan awareness leh sensitization programme buatsaihin Rally on “Towards Disaster Resilient City” chu Aizawl Thunders te nen thawk hovin tukin zing karah khan an nei a.

Rally hi Ngaizel atanga intan in Pu Lalchungnunga, Addl. DC (G) & Chief Executive Officer, DDMA, Aizawl chuan a vai liam a, Sikulpuikawn, Khatla kawn, Temple Square, Vaivakawn, Hunthar,Bawngkawn, Ramhlun, Chanmari, Zarkawt leh Dawrpui kawngpui dunga kawtthler zaulai ah te awareness rally au hla hi chham zelin a kharna hi Vanapa Hall kawtah buatsaih a ni.

He Rally hi Council of Scientific & Industrial Research- North East Institute of Science & Technology Project & Campaign (CSIR- NEIST) on M 8.7 Shillong Earthquake, 1897 Scenario hnuaiah Multi- State Mega Mock Exercise - March 13th, 2014 ah DDMA, Aizawl in an lo conduct tawh project la kal zel, National Disaster Management Authority (NDMA) in senso a tumsak a ni.

He hunah hian DDMA chuan Chhiatrupna a lo thlengin Social Media hmanga thu belhchian dawllo, mipuite ti ralti emaw ti chiai zawng a sms/whatsapp/facebook ah thu thehdarh chu ti lo hram turin mipuite hnenah ngenna a siam a. He ngenna pawisa lote chu Disaster Management Act, 2005 Section 54 in a tarlan angin kum 1 chung lung in tang emaw pawisa fai chawitir emaw a a pahnih a hrem theihna dan khauh tak a siam a ni.

RALLY ON “TOWARDS DISASTER RESILIENT CITY “proramme ah hian :-

1. Lirnghing lakah i insak a lo him zawk nan-

• Mithiam te rawn thin ang che.

2. Leimin lak a I him theih nan-

• Tuiluankawr tha siam rawh.

3. Cyclone tleh hun lai in-

• TV leh Radio ah Cyclone warning ngaichang thin rawh.

4. Lirnghing leh leimin lak a I lo him zawk nan-

• I insak na hmun thlang flmkhur rawh.

5. In I sak in-

• Hmanraw tha chauh hmang thin ang che.

6. Kawr hnaih lutuk leh kawr kan a in sak hi-

• A himlo fo.

7. Mithiam zawk ten chen nan a him lo an tih chuan-

• An rawt na ang te I ngai pawimawh tlang ang u.

8. Thenawm khawveng te tan a hlauhawm tur khawp in-

• I insak na hmun tur lai vak vak suh.

9. Rikrum thil a hman tur in-

• First Aid kit, Torch light leh Radio te dah tha reng ang che. tih te chu au hla ah hman a ni.