3592/2024-2025

Saitual, the 18th December, 2024: Kawngsira lirthei dah chungchangah Saitual Bawrhsap Dr. Lalngura Tlau chuan a hnuaia tarlan ang hian thuchhuah a siam.

PUBLIC NOTICE  

Tun hnaiah Saitual Town hmun hrang hrangah lirthei kawngsira hun rei tak chhung dah emaw riah kan awm thin tih hriat a ni a. Tin, lirthei veivak tibuai thei zawngin kawngpui hnaihah mimal bungrua dah kan awm thin tih hriat a ni bawk a. 

Heng lirthei leh bungrua kan dah te hian kawngpui a nekchepin kawngpui hmangtute tan harsatna a thlen thin a ni. Chuvangin, danin min phut angin kan lirtheite vantlang kawngsira hun rei tak chhung dah emaw riah hi phal a ni lova, a dahna tur Garage-ah ngei dah thin turin kan inhriattir a. Tin, vantlang kawngpui nekchep zawngin kan mimal bungrua eng pawh dah phal a ni lo. 

A dah lui emaw ti lui kan awm a nih chuan Bharatiya Nyaya Sanhita, 2023 Section-292 in a tarlan angin Rs.1,000/- thleng chawi tir an ni ang. Tilui chhunzawm an awm a nih chuan he dan vek Section-293 in a tarlan angin Rs 5,000/- chawi tanga thla ruk (6) thleng lung in tan tir theih an ni.