3593/2024-2025

Aizawl dated 18th December 2024: Vawiin khan Lengpui Village Council Hall, Lengpuiah ICAR - Research Complex for NEH Region, Mizoram Kolasib leh Krishi Vigyan Kendra (KVK), Mamit district, Lengpui, Mizoram ṭangkawp chuan Ar vulhtu thlanchhuahte tan training an buatsaih a.

He training ah hian Lengpui atangin mi 40, Lengte aṭangin mi 5 leh Nghalchawm aṭangin mi 5 te an tel a, training thupui hi "Training on Sustaining the livelihood of tribal farmers through Backyard Poultry farming cum Input distribution" tih a ni. He training hi Tribal Sub Plan hnuai aṭanga neih niin, Dr. Vanlalhruaia Hnamte, Senior Scientist & Head, KVK, Lengpui chuan kaihruaiin heng subject a mithiam Dr. C. Rinawma SMS (Animal Science), KVK Lengpui, Dr. Blessa Sailo, Senior Scientist (Vety Microbiology) ICAR - Kolasib leh Dr. Lalhruaipuii, Senior Scientist, ICAR -Kolasib ten Ar vulh leh Enkawl dan chungchangah zirtirna an pe a ni.

Training kalpui bak ah hian Arte, Ar chawpekna,  tui pekna hmanrua leh Ar enkawlna tur Damdawi chi hrang hrang an sem a. Dr.Lalhruaipuii, Senior Scientist ICAR - Kolasib chuan kalkhawm te hnen ah lawmthu sawina hun a hmang a ni.