3594/2024-2025

Saitual, the 18th December, 2024: Halpuah leh halmawi hal chungchangah a hnuaia tarlan ang hian Saitual Bawrhsap Dr. Lalngura Tlau chuan thu a chhuah:

Kristian-te hunpui kum 2024 Krismas leh kum thar 2025 lawmna hun kan lo hnaih chho leh ta a. Hunpui lawmna vuakvetah hian boruak tibawlhhlawh thei leh hriselna nghawng pawi thei- halpuah, halmawi leh puak thei dang te laka kan, fihlim theihna turin leh Krismas leh kum thar boruak a lo thianghlim a, boruak muanawm tak kan neih theihna turin leh hriselna nghawng pawi thei thil a thlen lohna turin thupek a chhuah a tul a. 

Chuvangin, kei Dr. Langura Tlau, District Magistrate, Saitual District hian Section-163 of Bharatiya Nagarik Suraksha Sanhita, 2023-in thuneihna min pek angin a hnuaia thupekte hi ka chhuah e: 

1. Saitual District chhungah Krismas leh kum thar lawmna vuakvetah halpuah, halmawi leh sky lantern lakluh, zawrh leh hal phal a ni lo.

2. Gelatine leh bomb lam chi reng reng thuneitute hnen atanga phalna bik nei an nih loh chuan zawrh, kawl leh hal phal a ni lo.

3. Mi tumahin silai lem, a mu kapchhuak thei (mihring tina thei) reng reng an kawl emaw zuar tur a ni lo.

He thupek hi chhuah a nih atangin thla 2 (hnih) chhung a huam anga, a zawm lo leh bawhchhia chu Section-223 of Bharatiya Nyaya Sanhita, 2023 hangin hremna pek an ni ang. 

He thupek hi Saitual Bawrhsap Dr. Lalngura Tlau chuan vawiin December Ni 18, 2024-hian Court Seal chhuin a hming a ziah hnan.