Art & Culture Department leh Joint YMA Kawnpui tangkawp buatsaih ‘Cultural Meet’ chu vawiin khan Kawnpui-ah neih niin, Pu Hmingdailova Khiangte, Parliament Secretary-in a hman pui.

Hawnna inkhawmah hian Pu Hmingdailova Khiangte chuan Hnam mawl tiin min hriat lai khan chimral kan nih mai loh nan Sapho-in ILP min ruahman sak a, Mahni Cultural ngaihsan na chang min zirtir bawk a, chu chuan vawiin thleng hian Mizo min la hum a ni a ti a. Kan thenawm State a hnam thenkhat chu mahni Culture vawnhim nachang hre lovin hnamdang Culture leh Tawng an uara, vawiin ah chuan an riral tihtih tawh a, inchawinun thar a har tawh a ni a ti. Mizoten kan hnam ziarang kan vawnhim reng chuan hnam tlemte ni mahila kan zahawm anga, kan ral lovang a ti.

He Cultural Meet-ah hian YMA Branch hrang hrang ten Hnam lam chi hrang 13 an entir a; Aizawl atangin Cultural Club tel an awm bawk.