Pu Hmingdailova Khiangte, Parliamentary Secretary leh Tuirial Bialtu MLA ni bawk chuan Kawnpui VC - I Bazar sak zauh belhna turin MLA Fund hmangin LAMPS Society ram cheng Nuai 10 in a lei a; ram neitu nihna lehkha pawh VC I Kawnpui hnenah a hlan nghal.

Kawnpui-a Roadside Market 3 zingah Kawnpui Venglai Bazar hi tun dinhmun ah chuan mipui ten an pankhawm ber a ni a. Mahse Bazar a tet avangin sak zauh belh a ngai a, a bul hnaia LAMPS Society ram, Semi RCC Building awmsa chu lei a ni a. He Bazar ah hian Thlai thar zuartute chu thutna chan tumin a hmun-ah an riak fo thin a ni.

Hetianga Bazar sak belhna tur ram lei anih avang hian Bazar Nu Association Kawnpui chuan MLA leh khawtlang hruaitute chungah lawmthu an sawi a ni.