Pu Lalrinmawia Ralte, Environment & Forest Minister leh MZI President nibawk chuan vawiin khan Lianthangpuia Audio Album ‘Hmangaihna’ chu I & PR Auditorium ah a tlangzarh.

Pu Lalrinmawia chuan Mizote hian kan zaithiamte hi kan ngaihsan thiam a, kan chawimawi thiam zel tha a tih thu sawiin Mizo te hian zaithiam kum lama an lo upat hian zai tawh lo turah kan dah ringawt hi kan bansan a hun tawh a ni a ti. Pu Lianthangpuia’n ama hlaphuahte tun ang kum tawhah audio album a buatsaih thei chu lawmawm a tih thu leh Mizote hian a bik takin zaimi hranghluite an vanglai hun mipuite awih nana lo hmang thin te hi an lo upa hnuah pawh zah leh chawimawi hi an phu a, anmahni pawhin an thiam thil chhuanawm tak chu tawp mai lova vawngnung zel turin a duh thu a sawi.

Tlangzarh inkhawm hi Pu C. Dinthanga’n kaihruai a. Pu Lianthangpuia hian hun rei tak rimawi khawvel a chawlhsan hnuah tunah hian audio album hi a siam leh a ni.