Kawnpui-Khamrang-Buichali kawng chungchangah Mizoram State PWD chuan hetiang hian a dinhmun a sawifiah :

Kawnpui - Khamrang – Buichali kawng siam 2014 a zawh tawh chu resurfacing hna thawh turin ni 12.3 2018-ah sanction in tender nghal a ni a, selection approved hun Ministry in an lak rei avangin re-tender leh a ni a, chumi chhunga tender document thar EPC Mode a thlak a nih avangin ni 28.2.2019 khan tender that leh a ni. Work order pe turin sanction nun hun - validity Ministry in a tihnun, re-new nghah mek a ni. Sawrkar thahnemngaihna in sum a theih ang ang min pek atangin fur hmasa a khuar chhe zual lai concrete pavement a siam niin patch repair te pawh thawh a ni. Hei hian fur hma kha chuan a ti ziaawm ve viau.

Vanduaithlak takin Tuitun Km 128.45 ah Road block leimin June thla ah a awm a, tin, Huanmawi bul Km 139.50 ah nasa takin Road block July 2019 ah a awm leh hlauh mai a. Kawng enkawl tu ten Road block leimin buaipui reng rengin hun an hmang a, hei hi chu Zoram mipui ten kan hriat vek kha a ni. He kawng pawimawh tak hi leimin (Road block) buaipui hautak deuh deuh June leh July thla ah a awm avangin Road surface repair hna hi a hun takah thawh hman loh deuh anih avangin Pothole hmun engemawzat ah alo awm hman a ni.

Tunah hian road block te thenfai a ni tawh bawk a,  kan ngaihsak hman loh chhunga kawng khuar thuk tak tak te  repair hna ngawrh taka thawh tan a ni. Heng khuar te hi ngawrh taka hnawh mek a ni a, khua in a zir chuan kar hnih chhung vel chuan a chhe zual pui hi zawh hman beisei a ni. Khuarel chhiatna kan tawh te hi mipui in min hriatthiampui kan beiseiin kan ngen a ni.