960/2025-2026

Dated: Mamit the 26th of June,2025: Vawiin khan Kawrthah Forest Division chuan National Institute of Securities Markets (NISM) nen tangkawpin "Personal Finance: Planning for Financial Goals" tih thupui hmangin webinar an nei a,Kawrthah Forest Division-a thawktuten sum leh pai lama an thiamna tihpunna tura buatsaih a ni.

He webinar in a tum ber chu Division-a thawktute zingah personal finance planning chungchangah awareness tihpun a ni.

Pu Karthikeyan V, IFS, Divisional Forest Officer,Kawrthah Forest Division chuan thawktute hi an hnathawhna pawn lam thlengin ngaihven tur an ni a,mahni sum enkawl thiam hi a a pawimawhin sum leh pai enkawl kawnga fimkhurna leh inzirna tur atana hmalakna pawimawh tak a ni a ti.

NISM atanga mithiamte chuan sum leh pai ruahmanna fel tak siamna atana thil pawimawh tak tak, sum khawlkhawm, sum peipun dan tur, budgeting leh pension ruahmanna chungchangah zirtirna pein, tihdan tur te a takin an entir.