110/2025-2026
Aizawl, 10th April, 2026: Kawrthah North Village Council (LGD Code: 264555), Mizoram chu India ram chhunga award zahawm ber pawl "Deen Dayal Upadhyay Panchayat Satat Vikas, 2025" hnuai ah "Clean & Green Panchayat," lawman pakhatna dawng tur a thlan a ni.
He lawmman a hmuhna hi "Clean & Green Panchayat" thupui bik atan a ni a, tehfung hrang hrang atang a endikna-ah mark hmu sang ber a ni.
Ministry of Panchayati Raj, Govt. of India chuan, Ni 30.03.2026 khan he award hlu tak hi a puangfel a, Kawrthah North Village Council chu khawtlang enkawlna kawng pawimawh hrang hrang changkanna rotling, rawmngaw humhalh, faina kawng leh thingtlang nun hmasawnna atana a tan laknate a hriatpui tak meuh a ni.
Prof. Lalnilawma, Hon'ble Minister, Rural Development and Administration Department, etc. Government of Mizoram chuan he award dawngtu Kawrthah North Village Council-te hi rilru leh thinglungtakin a lawmpui takzet a. Village Council member-te leh khawtlang mipui tanrualna leh mimal tin te taimakna hi a chhuang takzet a ni.
Village Council hrang hrang tepawh tan la lehzual a, mahni khawtlang theuh tan Kawrthah North Village Council hnathawh dan leh hmalakna te entawnin, hmasawnna neih belh zel a, award te pawh kum lo kaltur a dawng thei tura tan la zel turin a fuih bawk e.
