Nimin chawhnu khan Lunglei CMO Dr. VLMS Dawngliana office chamber-ah District Award Committee member-te an thukhawm a. India ram pum a faina leh hriselna kawnga intihsiakna, KAYAKALP (hospital, SDH, PHC) chu Lunglei District-ah pawh kalpui a ni a, Committee chuan KAYAKALP-a Primary Health Centre (PHC) tin te thahnemngaihna a fak hle a ni.

Internal assessment, Peer assessment leh External assessment te neih zawh a nih hnuin, Lunglei District chhunga PHC te zinga 7 (pasarih) te chuan 70% an pelh vek avangin he inelna ah hian an tling a. A titha ber PHC hnenah cheng nuai 2 a pek a ni anga, PHC dang zawng hnenah commendation cheng 50,000 theuh pek an ni dawn a ni.

PHC tlingte mark hmuh dan chu hetiang hi a ni –

1. Buarpui PHC - 79%

2. Tawipui PHC - 73.6%

3. Chhipphir PHC - 73%

4. Lungsen PHC - 70.3%

5. Haulawng PHC - 70.1%

6. Pangzawl PHC - 70%

7. Cherhlun PHC - 70%

Heng bakah hian CMO kaihhruaiin September ni 27 leh ni 28, 2016 chhung hian Lunglei District huamchhunga PHC 7-a Medical Officer leh SDH Tlabung te tan ‘Training on Malaria’ buatsaih a ni a. Financial Consultant leh PSM Consultant, Aizawl te chu resource person atan hman an ni. Malaria chungchang zirho a nih bakah Review Meeting leh Performance Report pawh neih nghal a ni bawk.