Sorkar laipui ruahmanna in Swachh Bharat Mission (SBM) leh Tourism Department tangkawp ten India rama Tourist lodge leh hmun hmaah te faina beihpui (cleanliness drive) thlak tura a beisei angin Mizoramah pawh September ni 16-30 2016 chhung khan he Cleanliness Drive hi Mizorama Tourist lodge leh hmun hmaah te kalpui a ni a. Vawiin khan Aizawl District Swachh Bharat Mission (Gramin), PHE Department leh Tourism Department tangkawp pawhin Convergence Programme hnuaiah Aizawl District hmun hranga hranga Tourist Lodge hmun hma te tihfaina hnatlang neih a ni.

Aizawl khawpui chhung bikah chuan Tourist lodge, Chaltlang leh Berawtlang a mi te tihfai hnatlang neih a nih bakah banner-te tar a ni a. Heng hmun hma te tihfai hnatlang nei hian PHED Rural WATSAN Division, Aizawl a thawkte leh Tourism Department-a thawk engemaw zat an tel a ni. Aizawl khawpui bakah hian hmun hranga hranga Tourist Lodge building leh hmun hma te tihfai hnatlang pawh neih nghal a ni. Tourist lodge-te hi ramdang leh hnam dang mikhualte laka ram hmel lanna langsar ber pakhat a nih avangin SBM hnuaia he hmalakna hi kalpui niin, a vawn fai pawh mitin mawhphurhna a ni tih inzirtir tumna a ni bawk.