Pu John Rotluanliana, Tourism Minister hovin vawiin khan I &PR Auditorium-ah Seminar on Eco-Tourism neih a ni a. He seminar hi Tourism Department leh Save Environment Association (SENVA) tangkawp buatsaih a ni.

Pu John Rotluangliana chuan Tourism hi ram economy chawisan nan hmanraw pawimawh tak a nih thu sawiin ramdangah chuan hmun hlui te, sakhaw hmun te, fort te tlawh turte a awm a. Mizoram ah chuan boruak thianghlim, ramngaw tha leh ramnuam lamah kan kan hausa a ni, a ti. Khawvel hian Eco-Tourism hi a ngaihlu a, chuvangin kan ram hausakna te kan phochhuah thiam a tourist te hip zawnga kan inher rem chuan kan ramah hmasawnna tluantling tak kan nei thei dawn a ni, a ti. Mizoten mikhual te laka that kan chhuah thin hi chawinung zel turin leh thalaiten kan ram ti hmasawn zel tura ngaihtuahna hmang turin a chah bawk a ni.

Pu K. Biakthianghlima, SENVA chuan keynote address pein Pu Jonathan Lalrinawma, Sr. Lecturer, ICFAI University in Eco-Tourism chungchangah paper a present bawk a ni.