4682/2024-2025\

18th March, 2025: Vawiin zing dar 6:30 khan Pu Lalthansanga Hon’ble Minister EF&CC Department chuan Nature Learning Centre(NLC)-Mizoram in a tirh zirlaite  chu Nature Tour nei turin Vanapa Hall kawt atangin a vailiam.

He Nature tour atan hian College panga - Pachhunga University College,Hrangbana College,Zirtiri Residential Science College,Govt Khawzawl College leh Govt Saitual College atangin zirlai 30 thlanchhuah an ni a. Kaziranga National Park bakah Guwahati Zoo, Ramsar site-Deepor Beel,Vulture Breeding Centre leh Pygmy Hog Conservation Centre-te an tlawh ang a. Ni 22, March hian Mizoramah an lo let leh ang.

Pu Lalthansanga Minister,EF&CC Dept chuan zirlaite hnenah fuihna thusawiin he Nature tour-in a tumte hrerenga an thil hmuh leh zirchhuahte Mizoram tana hlawkna a nih theih nana in zir tur  leh, ramngaw leh nungcha humhalh kawnga midangte  zirtirtu thei ni ngei turin a chah a ni. He hunah hian Pu Lalbiakchama Chawngthu IFS,DFO Champhai &Member Secretary NLC Advisory Board chuan Report pein NLC hnuaia hmalakna  hrang hrang leh hmachhawpte a tarlang bawk.

Nature Learning Centre-Mizoram hi kum 3 chhung project niin Champhai Forest Division hnuaiah kalpui mek a ni a. National Action Plan on Climate Change(NAPCC) hnuaia mission pariat zinga pakhat-National Mission on Himalayan Studies(NMHS) atangin fund hi hmuh a ni.