4683/2024-2025

Khawzawl, dated 18th March 2025: Vawiin chawhma dar 11:00 khan Krishi Vigyan Kendra (KVK) Khawzawl te chuan Neihdawn khuaa Tomato chingtu mi 120 te hnenah "Pest & Diseases Management in Tomato" tih thupui hmangin zirtirna an pe.

He hun hi Dr. Malsawmkimi, Senior Scientist & Head chuan kaihruaiin zirtirna a pe a, KVK Khawzawl te hian Indian Institute of Horticultural Research North Eastern Himalayan Region (IIHR – NEH) Scheme hnuai atangin Tomato chi 2.5 Kg an pe nghal bawk. IIHR-NEH bultumin KVK Khawzawl te hian Tomato chi hi an lo pe fo tawh thin a, natna leh rannung ven dan te, cultivation practice dan te zirtirna an pe thin a, field visit leh field day te an neihpui thin a ni.

Neihdawn khuaa Tomato chingtute hian kum 2024 chhung khan Tomato hi 6000 Quintal lai thar chhuakin ₹30,00,000 (Nuaih sawmthum) lai an lei chhuaka, heng tomato chi te hi IIHR-NEH hnuai atanga an dawn tho a ni.