No.2683/2021-2022
Aizawl the 22nd October, 2021 : Tukin zing kar khan Keifang Venglaiah Keifang Joint VC hruaitute nen Lengteng Guest House hmun tur chu Pu L.Thangmawia, Lengteng bialtu MLA hovin en a ni.

Pu L.Thangmawia chuan Saitual chu District Headquarters a lo nih tak avangin Saituala zanriaka office dawr ngai leh tul hrang hrang buaipui turin a bial atanga kal an awm thin a. Thlen in tur Guest House sak tul an tih thu a bial ten a hnenah an thlen chu a bawhzui a, Keifang Joint VC ten thahnemngai taka hmunhma an zawnpui chu lawmawm tiin, a tul anga bawhzui a ni ang, a ti a. He Guest House hi sak a nih theih chuan Lengteng bial mai bakah khualzin vei vak leh official duty te tana tangkai tak a nih tur thu a sawi bawk a ni.

Lengteng Guest House hmun tur chungchang hi Saitual Deputy Commissioner Pu VL Hruaizela Khiangte leh PWD officer te a sawipui nghal bawk a ni.