No.2682/2021-2022
Aizawl the 22nd October, 2021 : Halpuah, halmawi leh silai lem a mu nei chi te hian mihring hriselna leh himna atana pawi a thlen thei a. Halpuah leh halmawite hian boruak a tibawlhhlawhin ri bengchheng a siam a. Thawkna lamah harsatna a siam theih avangin Covid-19 hri leng karah mipuite hriselna kawngah harsatna lian zawk a thlen thei a. Chuvangin, Mamit District chhunga mipuite halpuah leh a kaihhnawih avanga boruak chhia leh ri bengchheng laka kan him theih nante, silai lem a mu nei hman avanga thil pawi thleng thei laka kan him theih nante, khapna thupek chhuah a tula hriat anih avangin Dr. LALROZAMA, IAS, District Magistrate, Mamit chuan Ni 22nd October, 2021 hian Section 144 of Cr.PC, 1973 (Act No.2 of 1974) -in thuneihna a pek angin hetiang hian thupek a chhuah.

Mamit District huam chhungah Kum 2021 Krismas leh Kumthar 2022 vuakvetah -

1. Halpuah, halmawi, sky lantern leh puak thei thil dang, boruak tha lo siam thei leh ri bengchheng siam thei chi reng reng lakluh, zawrh, hal leh hman khap tlat a ni.

2. Naupang silai lem a mu hmang chi reng reng lakluh, zawrh leh hman khap tlat a ni.

He thupek hi Security Force, Paramilitary Force leh mipui mimir zawng zawngte tumah thlei bik awm lova zawm vek tura hriattir an ni. He thupek zawm lo te chu Section 188 of Indian Penal Code hmangin
hrem theih an ni ang.

Thupek hian thu leh awm hma chu puan a nih atanga thla hnih (2) chhung a huam ang.